နည်းပြ အန်ဇို မာရက်စကာ ကတော့ တပည့်ဟောင်း ဖြစ်သူနဲ့ ပြန်လည် လက်တွဲဖို့ မျက်စိကျနေပါတယ်။ လက်ရှိမှာ ပရီးမီးယားလိဂ် ထိပ်သီး တို့ဟာ ဒီနွေရာသီရဲ့ ထိပ်တန်း အပြောင်းအရွှေ့ တစ်ခု ဖြစ်လာနိုင်တဲ့ ချဲလ်ဆီး ကွင်းလယ်လူ အန်ဇို ဖာနန်ဒက်စ် ကို ခေါ်ယူဖို့ ကြိုးပမ်းနေတာ ဖြစ်ပါတယ်။ ဒါ့အပြင် ဒီအပြောင်းအရွှေ့ကို ဖြစ်လာစေချင်ကြောင်းလည်း နည်းပြ အန်ဇို မာရက်စကာ ကလည်း ထုတ်ဖော် ပြောကြားလာပါတယ်။
နွေရာသီအစပိုင်းတုန်း ကတော့ ဖာနန်ဒက်စ် ဟာ ရီးရဲလ်မက်ဒရစ်ဆီ ပြောင်းရွှေ့ဖို့ သတင်းတွေ အကြီးအကျယ် ထွက်ပေါ်ခဲ့ပါသေးတယ်။ ဒါပေမယ့် ဥရောပရဲ့ ၁၅ ကြိမ် ချန်ပီယံ အသင်းကြီး ဘက်က ဒီအာဂျင်တီးနား လက်ရွေးစင်ကို ခေါ်ယူဖို့ “လုံးဝ ရည်ရွယ်ချက် မရှိဘူး” လို့ တရားဝင် ငြင်းဆန်ခဲ့ပါတယ်။ ဒီလို ပြတ်သားတဲ့ ငြင်းဆန်မှု ထွက်လာပြီးနောက် မှာတော့ ဖာနန်ဒက်စ် ရဲ့ အပြောင်းအရွှေ့ သတင်းတွေ ငြိမ်သက်သွားခဲ့ပါတယ်။ အထူးသဖြင့် ၂၀၂၆ ကမ္ဘာ့ဖလား အပြီး လာမယ့် ဗုဒ္ဓဟူးနေ့မှာ အသက် ၂၅ နှစ် အရွယ် ကွင်းလယ်လူဟာ ချဲလ်ဆီး အသင်းနဲ့ ပြန်လည် ပူးပေါင်းဖို့ ရှိနေချိန်မှာ ဖြစ်ပါတယ်။ ဒါပေမယ့် အရင်ကတည်းက အနောက် လန်ဒန် ကနေ ထွက်ခွာဖို့ အရိပ်အမြွက်ပြလေ့ ရှိတဲ့ ဖာနန်ဒက်ဇ်ဟာ အခုအခါ မန်စီးတီးရဲ့ ချဉ်းကပ်မှုကြောင့် လူပြောသူပြော များတဲ့ နေရာကို ပြန်ရောက်လာခဲ့ပြန်ပါပြီ။
နာမည်ကြီး သတင်းထောက် ဖာဘရီဇီယို ရိုမာနိုရဲ့ အဆိုအရ မန်စီးတီး အသင်းဟာ အက်တီဟတ်ကွင်းဆီ ပြောင်းရွှေ့လာဖို့ ကိစ္စအတွက် ဖာနန်ဒက်စ်ရဲ့ ကိုယ်စားလှယ်တွေနဲ့ ဆက်သွယ်မှုတွေ ပြုလုပ်ခဲ့တယ်လို့ သိရပါတယ်။ မာရက်စကာ ကလည်း တပည့်ဟောင်းနဲ့ ပြန်လည် လက်တွဲလိုတဲ့ ဆန္ဒရှိနေပေမဲ့ ဒီအပြောင်းအရွှေ့ ဖြစ်မြောက်ဖို့က ပြောင်းရွှေ့ကြေး အပေါ်မှာပဲ မူတည်နေပါတယ်။
ပရီးမီးယားလိဂ် ထိပ်သီး ချဲလ်ဆီး ဘက်ကတော့ ဖာနန်ဒက်စ် ကို ပေါင် သန်း ၁၂၀ ရမှသာ ရောင်းချမယ်လို့ တင်းခံနေပါတယ်။ မန်စီးတီး ဘက်က ဈေးဆစ်ဖို့ မျှော်လင့်နေပေမယ့် ချဲလ်ဆီးတို့ ကတော့ သူတို့ တောင်းဆိုထားတဲ့ ဈေးအောက် လျှော့ပေးမယ့်ပုံ မပေါ်ပါဘူး။
ရိုဒရီ ရဲ့ အပြောင်းအရွှေ့က ဖာနန်းဒက်စ် ရဲ့ အနာဂတ်အပေါ် ဘယ်လို သက်ရောက်မှု ရှိလာနိုင်မလဲ
မန်စီးတီးအသင်းဟာ မကြာသေးမီကမှ ရွှေဘောလုံးဆုနဲ့ ကမ္ဘာ့ဖလား ချန်ပီယံဆုကို ဆွတ်ခူးထားတဲ့ ရိုဒရီ မပါဝင်တော့မယ့် အနာဂတ် အတွက် သိသိသာသာ ပြင်ဆင်နေပုံ ရပါတယ်။ စာချုပ်သက်တမ်း ကုန်ဆုံးဖို့ တစ်နှစ်အလိုမှာပဲ ကွင်းလယ်လူ ရိုဒရီဟာ ဒီနွေရာသီမှာ ဘာစီလိုနာ အသင်းဆီ ပြောင်းရွှေ့ဖို့ ဆုံးဖြတ်လိုက်ပြီလို့ သတင်းတွေ ထွက်ပေါ်နေပါတယ်။
အင်္ဂလန် ကလပ် ဘက်က ရိုဒရီ အတွက် ဘာစီလိုနာရဲ့ ကနဦး ကမ်းလှမ်းမှု ဖြစ်တဲ့ ပေါင် ၃၈.၅ သန်း ကို ပယ်ချခဲ့ပေမယ့် ဆွေးနွေးမှုတွေ ကတော့ ဆက်လက် ဖြစ်ပွားနေဆဲပါ။ မန်စီးတီးဟာ ကမ္ဘာ့ဖလားမှာ ခြေစွမ်းပြခဲ့တဲ့ လူငယ်ကြယ်ပွင့်လေး အာယွတ်ဘ် ဘူအာဒီ ကိုလည်း ခေါ်ယူမယ်လို့ ခန့်မှန်းရပေမယ့် ဒီဆယ်ကျော်သက်လေးကို ရိုဒရီရဲ့ နေရာမှာ အစားထိုးဖို့ အတွက် မာရက်စကာက ခေါ်ယူတာ မဟုတ်ဘူးလို့ သတင်းတွေက ဆိုပါတယ်။
ရိုဒရီ နေရာကို အစားထိုးမယ့်သူက ဖာနန်ဒက်စ် ဖြစ်လာနိုင်ပါတယ်။ အန်ဇိုက ပရီးမီးယားလိဂ်ရဲ့ အကောင်းဆုံး ကွင်းလယ်လူတွေထဲက တစ်ဦး အဖြစ် သက်သေပြထားပြီး မာရက်စကာရဲ့ လက်အောက်မှာ သူ့ရဲ့ အကောင်းဆုံး ခြေစွမ်းကို ပြသနိုင်ခဲ့ဖူးသူပါ။ အီတလီ လူမျိုး နည်းပြနဲ့ မိုးပြာရောင် ဂျာစီကို ဝတ်ဆင်ပြီး ပြန်လည် လက်တွဲခွင့်ရခြင်းဟာ ဖာနန်ဒက်စ် အတွက်တော့ သူရှာဖွေနေတဲ့ ထွက်ပေါက် တစ်ခု ဖြစ်လာနိုင်ပါတယ်။ ပြီးခဲ့တဲ့ ရာသီက အပြောင်းအရွှေ့နဲ့ ပတ်သက်တဲ့ ပြောဆိုမှုတွေကြောင့် ၂ ပွဲ ပယ်ခံရပြီးနောက် ချဲလ်ဆီး အထက်လူကြီးတွေနဲ့ လူသိရှင်ကြား အဆင်မပြေ ဖြစ်ခဲ့ကတည်းက သူဟာ အသင်းပြောင်းဖို့ လမ်းစရှာနေခဲ့တာပါ။
ဒါပေမယ့်လည်း မန်စီးတီးဟာ ဒီနွေရာသီမှာမှ နော့တင်ဟမ်ဖောရက်စ် ကနေ အဲလီယော့တ် အန်ဒါဆန်ကို စံချိန်တင် ပြောင်းရွှေ့ကြေး ပေါင် ၁၁၆ သန်း နဲ့ ခေါ်ယူထားပါတယ်။ အသင်းရဲ့ ကွင်းလယ် အင်ဂျင်ခန်း မှာလည်း နီကို ဂွန်ဇာလက်ဇ်၊ တီဂျန်နီ ရိုင်းဒါးစ်နဲ့ မက်တေယို ကိုဗာချစ် တို့ ရှိနေပါသေးတယ်။
ဒါကြောင့် ရိုဒရီသာ ကက်တာလန်မြေဆီ တကယ် ပြောင်းရွှေ့သွားမှသာ ဖာနန်ဒက်စ် ကို ခေါ်ယူခြင်းက အဓိပ္ပာယ် ရှိပါလိမ့်မယ်။ အကယ်၍ အပြောင်းအရွှေ့သာ ပျက်ပြယ်သွားပြီး စပိန်သား ကွင်းလယ်လူ မန်ချက်စတာမှာ ဆက်ရှိနေမယ် ဆိုရင်တော့ အာဂျင်တီးနားသားရဲ့ စွယ်စုံရ စွမ်းဆောင်ရည်နဲ့ ဖန်တီးမှုတွေကို အက်တီဟတ်မှာ မြင်တွေ့ချင်စရာ ကောင်းနေရင်တောင် ချဲလ်ဆီးက တောင်းဆိုနေတဲ့ မြင့်မားလှတဲ့ ပြောင်းရွှေ့ကြေးကို မန်စီးတီး ဘက်က ပေးချေလိုမှာ မဟုတ်ပါဘူး။
ဒါ့အပြင် ဘရာဇီးလ် ကြယ်ပွင့် ဆာဗင်ညိုသာ ဒီနွေရာသီမှာ မန်စီးတီး ကနေ ထွက်ခွာသွားခဲ့ပါက အစားထိုးနိုင်ဖို့ အတွက် မာရက်စကာဟာ ချဲလ်ဆီး တောင်ပံ ကစားသမား ပက်ဒရို နက်တို နဲ့လည်း တိုက်ရိုက် ဆက်သွယ်မှုတွေ ပြုလုပ်ထားတယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
