လာလီဂါ ကလပ် ဘာစီလိုနာ အသင်းရဲ့ တိုက်စစ် ကစားသမား ရာဖင်ညာ ကတော့ ဒဏ်ရာ ထပ်မံ ရရှိသွားခဲ့ပြီး ဒီအခြေအနေနဲ့ ပတ်သက်ပြီးတော့ နည်းပြ ဟန်ဆီ ဖလစ်ခ်က စိတ်ပျက်လျက် ရှိနေပါတယ်။ ဒါကြောင့် ဟန်ဆီ ဖလစ်ခ်က ဒဏ်ရာရ ကစားသမားတွေကို ကုသ စောင့်ရှောက်တဲ့ အပိုင်းမှာ အပြောင်းအလဲတွေ လုပ်ဖို့ လိုအပ်နေပြီ ဖြစ်ကြောင်း အရိပ်အမြွက် ပြောကြားလိုက်ပါတယ်။
ရာဖင်ညာဟာ ပေါင်ခြံ ကြွက်သား ဒဏ်ရာရရှိခဲ့တာ ဖြစ်ပြီး အယ်လ်ဘာစီတေးနဲ့ ကစားမယ့် ကိုပါဒယ်ရေး ပွဲစဉ်ကို လွဲချော်မှာပါ။ အဲလ်ဘာစီတေး ကတော့ ရီးရဲလ်မက်ဒရစ်ကို ပြီးခဲ့တဲ့ အဆင့်မှာ ဖြုတ်ချလာခဲ့တဲ့ စပိန် အောက်တန်း အသင်းငယ်လေး ဖြစ်ပါတယ်။ ရာဖင်ညာဟာ ဒဏ်ရာ ပြဿနာတွေကြောင့် ၁၄ ပွဲသာ ပါဝင် ကစားထားရပြီး ၈ ဂိုး သွင်းကာ၊ ဂိုးဖန်တီးမှု ၃ ကြိမ် ပြုလုပ်ထားပါတယ်။
ရာဖင်ညာဟာ ပြီးခဲ့ တဲ့ရာသီက ဘာစီလိုနာ အသင်း လာလီဂါ အပါအဝင် ပြည်တွင်း ဖလား ၃ လုံး (Treble) ရရှိအောင် ၃၄ ဂိုး သွင်း၊ ၂၂ ဂိုး ဖန်တီးပေးပြီး အဓိက အခန်း ကဏ္ဉ ကနေ ကူညီပေးခဲ့သူပါ။ ဒါပေမယ့်လည်း ဒီရာသီမှာ အရေးကြီးတဲ့ ပွဲစဉ်တွေကို ထပ်ခါတလဲလဲ လွဲချော်နေတာကြောင့် ဟန်ဆီ ဖလစ်ခ်က စိတ်ပျက်စွာနဲ့ အခုလိုပဲ ပြောကြားခဲ့ပါတယ်။
ဖလစ်ခ်က “အမှန်အတိုင်း ပြောရရင် ကျွန်တော် ဒီအခြေအနေကို မပျော်ပါဘူး။ သူက ကျွန်တော်တို့ အတွက် အရမ်း အရေးပါတဲ့ ကစားသမားပါ။ သူ ဘာတွေ ပြောင်းလဲဖို့ လိုမလဲ၊ ကျွန်တော်တို့ အသင်း ဘက်ကကော ဘာတွေ ပြောင်းလဲပေးဖို့ လိုမလဲ ဆိုတာ ပြန်ကြည့်ရပါမယ်။ အခုက ဒီရာသီရဲ့ အဆုံးအဖြတ်ပေးမယ့် အပိုင်းကို ရောက်နေပြီမို့ ကစားသမား အားလုံး အဆင်သင့် ရှိနေဖို့ လိုပါတယ်။ သူ မကစားနိုင်တာဟာ အသင်း အတွက် မကောင်းပါဘူး။”
ဒုတိယတန်း ကလပ် အဲလ်ဘာစီတေးဟာ ရီးရဲလ်မက်ဒရစ်ကို ၁၆ သင်း အဆင့်မှာ အနိုင်ယူပြီး အံ့အားသင့်အောင် လုပ်ပြထားတဲ့ အသင်း ဖြစ်ပါတယ်။ ဒါကြောင့် ဖလစ်ခ်က ပြိုင်ဘက်ကို လျှော့မတွက်ထားပဲ သတိထား ကစားဖို့ အောက်ပါအတိုင်း ပြောဆိုခဲ့ပါတယ်။
“အဲလ်ဘာစီတေးက ဆဲလ်တာဗီဂိုနဲ့ ရီးရဲလ်မက်ဒရစ်တို့ အပေါ် ဘယ်လို ကစားခဲ့လဲ ဆိုတာကို သေချာ လေ့လာထားပါတယ်။ “အဓိက ကတော့ ကွင်းထဲမှာ ထားရှိရမယ့် စိတ်ဓာတ်နဲ့ အပြုအမူပါပဲ။ အသေးစိတ် အချက်အလက်လေးတွေက အစ တိုးတက်အောင် လုပ်ရပါမယ်။ အဲလ်ချီနဲ့ ပွဲမှာ ကစားခဲ့ပုံကို သဘောကျပေမယ့် အခွင့်အရေး တချို့ ဖြုန်းတီးခဲ့တာ ရှိပါတယ်။ ကျွန်တော် တို့က ပြီးပြည့်စုံနေဖို့ထက် အမြဲတမ်း တိုးတက်နေဖို့ပဲ ကြိုးစားနေတာပါ။” လို့ ဖလစ်ခ်က ဆိုပါတယ်။
လူငယ်ကစားသမား ဒရို ဖာနန်ဒက်ဇ်ကို ပီအက်စ်ဂျီထံ ရောင်းချလိုက်ရပေမယ့် ဆောင်းရာသီ အပြောင်းအရွှေ့ အပြီးမှာ ဖလစ်ခ်က သူ့ရဲ့ လက်ရှိ လူစာရင်း အပေါ် ကျေနပ်မှု ရှိနေပါတယ်။ ဖလစ်ခ်က “ဒရို ထွက်သွားတာကို သဘောမကျပေမယ့် ကျွန်တော် တားဆီးလို့ မရတဲ့ အခြေအနေမို့ပါ။ ဒါပေမယ့် အားလုံးသာ ကြံ့ခိုင်မှု အပြည့် ရှိနေရင် ပွဲထွက်လူစာရင်း ရွေးရတာတောင် ခေါင်းခဲရမယ့် အခြေအနေ ရှိပါတယ်။ ကျွန်တော်တို့ အလုပ်ကို ကောင်းကောင်း လုပ်ထားနိုင်ပါတယ်။” လို့ ဖြည့်စွက် ပြောကြားခဲ့ပါတယ်။
လက်ရှိမှာ ဘာစီလိုနာက လာလီဂါ အမှတ်ပေးဇယား ဒုတိယ နေရာက ရီးရဲလ်မက်ဒရစ်ကို ၁ မှတ်သာ ဖြတ်ကာ ဦးဆောင်ထားနိုင်ပါတယ်။ ဘာစီလိုနာ အနေနဲ့ ပွဲစဉ် ၂၀ မှာ ရီးရဲလ်ဆိုစီဒက်ကို ရှုံးနိမ့်ခဲ့တာက ရီးရဲလ်မက်ဒရစ်နဲ့ ရမှတ် ကွဟချက်ကို တော်တော်လေး ကျဉ်းမြောင်းသွားစေခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
