ညက ကစားခဲ့တဲ့ ချန်ပီယံလိဂ် ရှုံးထွက်အဆင့် ပလေးအော့ဖ် ဒုတိယအကျော့ မှာလည်း ဘိုဒို/ဂလင့်မ်က အင်တာမီလန်ကို အံ့အားသင့်ဖွယ် အနိုင်ယူပြသွားခဲ့ပါတယ်။ နော်ဝေ ကလပ်ဟာ ပထမအကျော့ သူတို့ရဲ့ အိမ်ကွင်းမှာ အင်တာမီလန်ကို ၃-၁ ရလဒ်နဲ့ အနိုင်ရထားခဲ့သလို အခု ဒုတိယအကျော့မှာလည်း ၂-၁ နဲ့ ထပ်မံ အနိုင်ရခဲ့တာကြောင့် နှစ်ကျော့ပေါင်း ၂-၅ ရလဒ်နဲ့ နောက်တဆင့်ကို ထိုက်ထိုက်တန်တန် တက်ရောက်သွားခဲ့တာ ဖြစ်ပါတယ်။
အင်တာမီလန်ကို နှစ်ကျော့စလုံး မထင်မှတ်တဲ့ ရလဒ်တွေနဲ့ အနိုင်ရခဲ့တဲ့ ဘိုဒို/ဂလင့်မ်ဟာ ချန်ပီယံလိဂ် ရှုံးထွက် အဆင့်မှာ အနိုင်ရတဲ့ ပထမဆုံး နော်ဝေ ကလပ် အသင်း အဖြစ် မှတ်တမ်းဝင်ခဲ့ပါတယ်။ သူတို့ဟာ ချန်ပီယံလိဂ် ၁၆ သင်း အဆင့် မှာတော့ မန်စီးတီး သို့မဟုတ် စပို့တင်းလစ္စဘွန်းနဲ့ ရင်ဆိုင်ရတော့မှာ ဖြစ်ပါတယ်။
ပွဲစဉ်အကျဉ်း
နော်ဝေမြေမှာ ၃-၁ နဲ့ ရှုံးနိမ့်ထားခဲ့တဲ့ အင်တာမီလန်ဟာ ပွဲစကတည်းက တိုက်စစ်ဆင်ခဲ့ပါတယ်။ ဒါပေမယ့် ဘိုဒို/ဂလင့်မ် ဂိုးသမား နီကီတာ ဟိုက်ကင်က ဒီမာကိုရဲ့ ကန်ချက်တွေနဲ့ ဖရတ်တက်ဆီရဲ့ ခေါင်းတိုက်ချက်တွေကို လက်စွမ်းပြ ကာကွယ်သွားခဲ့ပါတယ်။ ပွဲကစားချိန် ၅၈ မိနစ်မှာ အင်တာမီလန် နောက်ခံလူ အာကန်ဂျီရဲ့ ပေါ့ဆတဲ့ နောက်ပြန်ပေးမှုက တဆင့် ဘိုဒို/ဂလင့်မ်တို့ အခွင့်အရေး ရခဲ့ပါတယ်။ အိုလီ ဘလွန်းဘတ်ရဲ့ ကန်ချက်ကို ဂိုးသမား ဆွမ်မား ပုတ်ထုတ်နိုင်ခဲ့ပေမယ့် ပြန်ထွက်လာတဲ့ ဘောလုံးကို အင်တာမီလန်ရဲ့ ပြိုင်ဘက်ဟောင်း အေစီမီလန် ကစားသမားဟောင်း ဂျန်းစ် ပတ်တာ ဟော့ဂ် က အနီးကပ် ပိတ်သွင်းပြီး အဖွင့်ဂိုး ယူပေးခဲ့ပါတယ်။
အာကန်ဂျီရဲ့ ကန်ချက် တိုင်ထိထွက်သွားပြီးနောက် ၇၂ မိနစ်မှာ အီဗန်က ဒုတိယဂိုး သွင်းယူခဲ့ပါတယ်။ ၇၆ မိနစ်မှာ အင်တာမီလန် အတွက် ဘတ်စတိုနီက ချေပဂိုး တစ်ဂိုး ပြန်သွင်းနိုင်ခဲ့ပေမယ့် သမိုင်းဝင်ညတစ်ည ဖြစ်လာဖို့ အတွက်တော့ မလုံလောက်ခဲ့ပါဘူး။
ပွဲပြီးအချက်အလက်နဲ့ မှတ်တမ်းများ
၁၉၈၇-၈၈ ရာသီက လိုင်လီစတောင်းမ် အသင်း လင်ဖီးလ်ကို အနိုင်ရခဲ့ပြီး နောက်ပိုင်း ဥရောပရဲ့ ထိပ်တန်း ပြိုင်ပွဲရဲ့ ရှုံးထွက်အဆင့်ကို ကျော်ဖြတ်နိုင်တဲ့ ပထမဆုံး နော်ဝေ ကလပ် အသင်း ဖြစ်လာပါတယ်။ ဒါဟာ နှစ်ပေါင်း ၃၀ ကျော်အတွင်း ပထမဆုံး အကြိမ်လည်း ဖြစ်ပါတယ်။
ဒီပွဲမှ အင်တာမီလန်က ဂိုးကန်သွင်းခွင့် အကြိမ် ၃၀ အထိ ရခဲ့ပြီး ဘိုဒို/ဂလင့်မ်က ၇ ကြိမ်သာ ရခဲ့ပေမယ့် မျှော်မှန်းဂိုး (xG) မှာတော့ အင်တာမီလန်က ၂.၁၄ နဲ့ ဘိုဒို/ဂလင့်မ်က ၁.၇၄ သာ ရှိတာကြောင့် ဘိုဒို/ဂလင့်မ်ရဲ့ အခွင့်အရေးတွေက ပိုမိုထိရောက်ခဲ့တယ်လို့ ဆိုရမှာပါ။
ဘိုဒို/ဂလင့်မ်ဟာ ဒီရာသီမှာ မန်စီးတီး၊ အက်တလက်တီကိုမက်ဒရစ်နဲ့ အခု အင်တာမီလန် တို့လို ဥရောပ ထိပ်သီးလိဂ် ၅ ခုက အသင်းတွေကို ၄ ပွဲ ဆက်တိုက် အနိုင်ရတဲ့ အသင်း ဖြစ်လာပါတယ်။ ဒါဟာ ၁၉၇၁-၁၉၇၂ ဘောလုံးရာသီက အေဂျက်စ် နောက်ပိုင်း ပထမဆုံးအကြိမ် ဖြစ်ပါတယ်။
ဟော့ဂ်ဟာ ဒီရာသီ ချန်ပီယံလိဂ်မှာ ၆ ဂိုး သွင်းယူထားပြီး ဒါဟာ နော်ဝေ ကလပ် အတွက် ကစားပေးတဲ့ နော်ဝေ ကစားသမား တစ်ဦးရဲ့ တစ်ရာသီ အတွင်း အများဆုံး ဂိုးသွင်းစံချိန် ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
