ဒီကနေ့ အခုတစ်ခါမှာတော့ ပရီးမီးယားလိဂ် သမိုင်းတလျှောက် ဖလား အများဆုံး ရရှိထားတဲ့ ကလပ် အသင်းတွေက ဘယ်အသင်းတွေလဲ ဆိုတာ ဖော်ပြပေးသွားပါမယ်။။
- ၁၃ ကြိမ် – မန်ချက်စတာယူနိုက်တက်
- ၈ ကြိမ် – မန်ချက်စတာစီးတီး
- ၅ ကြိမ် – ချဲလ်ဆီး
- ၃ ကြိမ် – အာဆင်နယ်
- ၂ ကြိမ် – လစ်ဗာပူးလ်
- ၁ ကြိမ် – ဘလက်ဘန်း ရိုဗာစ်၊ လက်စတာစီးတီး
မန်ချက်စတာယူနိုက်တက်
မန်ချက်စတာယူနိုက်တက်ဟာ ၁၉၉၂-၉၃ ခုနှစ်မှာ ကျင်းပခဲ့တဲ့ ပထမဦးဆုံး အကြိမ် ပရီးမီးယားလိဂ် ရာသီ မှာတင် ချန်ပီယံဆုကို ဆွတ်ခူးနိုင်ခဲ့တာ ဖြစ်ပါတယ်။ ဒါဟာ သူတို့အတွက် ၂၆ နှစ်တာ ကာလ အတွင်း ပထမဆုံးအကြိမ် ရရှိခဲ့တဲ့ အဆင့်မြင့်ဆုံး လိဂ် ချန်ပီယံ ဖလားလည်း ဖြစ်ပါတယ်။ ဒီချန်ပီယံဆုကို နည်းပြ ဆာ အဲလက်စ် ဖာဂူဆန်က ဦးဆောင်ကာ ရယူပေးခဲ့တာ ဖြစ်ပြီး၊ ၁၉၈၆ ခုနှစ် နိုဝင်ဘာလမှာ စကော့တလန် ကလပ် အဘာဒင်း ကနေ အိုးထရက်ဖို့ဒ်ကို သူရောက်ရှိလာပြီးနောက် ၇ နှစ် အကြာမှာ ဆွတ်ခူးနိုင်ခဲ့ခြင်း ဖြစ်ပါတယ်။
မန်ချက်စတာယူနိုက်တက် အသင်း ရရှိခဲ့တဲ့ ပရီးမီးယားလိဂ် ဖလား ၁၃ ကြိမ်စလုံးဟာ နည်းပြ ဖာဂူဆန် လက်ထက်မှာ ရရှိခဲ့တာ ဖြစ်ပြီး၊ သူ နည်းပြဘဝ ကနေ အနားမယူခင် နောက်ဆုံး ကိုင်တွယ်ခဲ့တဲ့ ၂၀၁၂-၁၃ ရာသီဟာ ယူနိုက်တက် အသင်းရဲ့ အနီးစပ်ဆုံး နောက်ဆုံး ရရှိခဲ့တဲ့ လိဂ်ချန်ပီယံဆု ဖြစ်ပါတယ်။
ဖာဂူဆန်ဟာ ပရီးမီးယားလိဂ် ပြိုင်ပွဲ မစတင်ခင် (၁၉၉၂ ခုနှစ်မတိုင်ခင်) ယူနိုက်တက် ရရှိခဲ့ဖူးတဲ့ လိဂ်ချန်ပီယံဖလား အရေအတွက် (၇ ကြိမ်) ထက် ပိုများတဲ့ ပရီးမီးယားလိဂ် ဖလားတွေကို အသင်း အတွက် ယူဆောင်ပေးနိုင်ခဲ့တာ ဖြစ်ပါတယ်။ ဒါ့အပြင် အင်္ဂလန်မှာ သူရရှိခဲ့တဲ့ လိဂ် ချန်ပီယံဆု ၁၃ ကြိမ် ဆိုတဲ့ ပမာဏဟာ တခြား ဘယ်နည်းပြထက်မဆို နှစ်ဆကျော် ပိုမို များပြားနေပြီး၊ သူ့ရဲ့ နောက်မှာတော့ ဂျော့ဂျ် ရမ်ဆေး၊ ဘော့ဘ် ပေ့စ်လေနဲ့ ပပ် ဂွါဒီယိုလာ တို့က (တစ်ဦးကို ၆ ကြိမ်စီနဲ့) ဒုတိယ အများဆုံး အဖြစ် ရပ်တည်နေကြပါတယ်။
မန်ချက်စတာစီးတီး
မန်ချက်စတာစီးတီးရဲ့ ၂၀၂၃-၂၄ ရာသီ ချန်ပီယံ ဖြစ်မှုနဲ့ အတူ ဂွါဒီယိုလာဟာ ရမ်ဆေးနဲ့ ပေ့စ်လေ တို့ရဲ့ စံချိန်ကို လိုက်မှီသွားခဲ့ပါတယ်။ ဒါဟာ သူ မန်စီးတီးကို ရောက်ရှိလာပြီး ၈ နှစ်တာ ကာလ အတွင်း ရရှိခဲ့တဲ့ ၆ ကြိမ်မြောက် လိဂ်ချန်ပီယံဆု ဖြစ်ပြီး၊ သူ ရောက်ရှိလာကတည်းက မန်စီးတီးဟာ လိဂ်ပြိုင်ပွဲကို စိုးမိုးထားနိုင်ခဲ့တာ ဖြစ်ပါတယ်။
ချဲလ်ဆီး
ချဲလ်ဆီး ကတော့ ပရီးမီးယားလိဂ် ဖလားကို ၅ ကြိမ်တိုင်တိုင် ဆွတ်ခူးထားနိုင်ခဲ့ပါတယ်။ နည်းပြ ဂျိုဆေး မော်ရင်ဟို အသင်းကို ရောက်ရှိလာပြီးနောက် ၂၀၀၄-၀၅ နဲ့ ၂၀၀၅-၀၆ ရာသီတွေမှာ ပထမဆုံး ချန်ပီယံဆု နှစ်ကြိမ်ကို ဆက်တိုက် ရယူပေးခဲ့ပါတယ်။ အဲဒီနောက်ပိုင်း စတန်းဖို့ဒ်ဘရစ်ချ်ကို ဒုတိယအကြိမ် ပြန်လည် ရောက်ရှိလာချိန် ၂၀၁၄-၁၅ ရာသီ မှာတော့ တတိယမြောက် ဖလားကို ဆွတ်ခူးပေးခဲ့ပါတယ်။ သူတို့ရဲ့ တခြား ပရီးမီးယားလိဂ် ဖလားတွေ ကိုတော့ ၂၀၀၉-၁၀ ရာသီမှာ နည်းပြ ကာလို အန်ဆယ်လော့တီ၊ ၂၀၁၆-၂၀၁၇ ရာသီမှာ နည်းပြ အန်တိုနီယို ကွန်တီ တို့က အသီးသီး ရယူပေးခဲ့ကြတာ ဖြစ်ပါတယ်။
အာဆင်နယ်
နည်းပြ အာစင်ဝင်းဂါး လက်ထက် ၂၀၀၃-၀၄ ရာသီ နောက်ပိုင်း ပရီးမီးယားလိဂ် ဖလားနဲ့ ဝေးကွာနေခဲ့တဲ့ အာဆင်နယ်ရဲ့ နှစ်ပေါင်း ၂၀ ကျော်ကြာ ဖလားလက်မဲ့ ဖြစ်နေတဲ့ နာကျင်မှုကို အဆုံးသတ်ဖို့ အတွက် မီခဲလ် အာတေးတား တစ်ယောက် အခုထိ ကြိုးပမ်းနေရဆဲ ဖြစ်ပါတယ်။ အဲဒီ ၂၀၀၃-၂၀၀၄ ရာသီတုန်းက အာဆင်နယ်ဟာ တစ်ရာသီလုံး တစ်ပွဲမှ မရှုံးဘဲ ချန်ပီယံဖြစ်ခဲ့တာကြောင့် ‘The Invincibles’လို့ လူသိများခဲ့ကြပြီး၊ ဒါဟာ ၁၈၈၈-၈၉ ရာသီက ပရက်စတန် ပြီးရင် အင်္ဂလန် အဆင့်မြင့်ဆုံးလိဂ် သမိုင်းတစ်လျှောက်မှာ ဒုတိယမြောက် ရှုံးပွဲမရှိ စံချိန် တင်နိုင်ခဲ့တဲ့ ကလပ် အသင်း ဖြစ်လာခဲ့ပါတယ်။
ပြင်သစ် လူမျိုး နည်းပြ ဝင်းဂါးဟာ အာဆင်နယ်ကို စုစုပေါင်း လိဂ်ချန်ပီယံဖလား ၃ ကြိမ် ရယူပေးနိုင်ခဲ့တာ ဖြစ်ပြီး ကျန်ရှိတဲ့ ပရီးမီးယားလိဂ် ဖလား ၂ ကြိမ် ကိုတော့ ၁၉၉၇-၉၈ နဲ့ ၂၀၀၁-၀၂ ရာသီတွေမှာ ဆွတ်ခူးခဲ့တာ ဖြစ်ပါတယ်။
လစ်ဗာပူးလ်
လစ်ဗာပူးလ်ဟာ ၂၀၁၉-၂၀ ရာသီမှာ နည်းပြ ယာဂန် ကလော့ပ်ရဲ့ ဦးဆောင်မှုနဲ့အတူ ပရီးမီးယားလိဂ် ဖလားကို ဆွတ်ခူးနိုင်ခဲ့ပြီး၊ ဂျာမန် လူမျိုး နည်းပြကြီးဟာ အင်္ဂလန်လိဂ်ဖလားကို အန်ဖီးလ်ကွင်းဆီ နှစ်ပေါင်း ၃၀ အတွင်း ပထမဆုံးအကြိမ် ပြန်လည် ယူဆောင်ပေးနိုင်ခဲ့ပါတယ်။ အဲဒီနောက်ပိုင်း ကလော့ပ်ရဲ့ နေရာမှာ အစားထိုး ဝင်ရောက်လာတဲ့ နည်းပြ အာနေး ဆလော့တ်ဟာ အသင်းကို စတင်ကိုင်တွယ်တဲ့ ပထမဆုံးရာသီ (၂၀၂၄-၂၅) မှာတင်ပဲ လစ်ဗာပူးလ် အသင်း အတွက် ပရီးမီးယားလိဂ် ချန်ပီယံဆုကို ချက်ချင်း ပြန်လည် ရယူပေးနိုင်ခဲ့ပါတယ်။
ဘလက်ဘန်း၊ လက်စတာစီးတီး
တခြား တစ်ဖက် မှာလည်း နည်းပြ ကန်နီ ဒဲလ်ဂလစ်ရှ်ရဲ့ ဘလက်ဘန်းဟာ ၁၉၉၄-၉၅ ရာသီ (၄၂ ပွဲ ကစားရတဲ့ နောက်ဆုံး ပရီးမီးယားလိဂ် ရာသီ) ရဲ့ နောက်ဆုံး ပွဲစဉ်နေ့မှာ ယူနိုက်တက်ကို ကျော်ဖြတ်ပြီး ခန့်မှန်းချက်တွေကို အံ့အားသင့်စေကာ ချန်ပီယံဖလားကို ဆွတ်ခူးသွားခဲ့ဖူးပါတယ်။ဒါပေမယ့် ပရီးမီးယားလိဂ် သမိုင်းတစ်လျှောက် အကြီးမားဆုံး အံ့အားသင့်စရာ အကောင်းဆုံး ချန်ပီယံ ဖြစ်မှု ကတော့ ၂၀၁၅-၁၆ ရာသီက လက်စတာစီးတီးရဲ့ အောင်မြင်မှုပဲ ဖြစ်ပါတယ်။ နည်းပြ ကလော်ဒီယို ရာနီယေးရီဟာ ဖြစ်နိုင်ခြေ အနည်းဆုံး အခြေအနေ ကနေ လက်စတာကို ချန်ပီယံ ဖြစ်အောင် ဦးဆောင်ပေးနိုင်ခဲ့တာ ဖြစ်ပါတယ်။ ထူးခြားတာကတော့ အဲဒီမတိုင်ခင် ရာသီတုန်းက သူတို့ဟာ တန်းမဆင်းရဖို့ အတွက် ရုန်းကန်ခဲ့ရတဲ့ အသင်း တစ်သင်း ဖြစ်ခဲ့တာပဲ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
