ဖလား တစ်လုံး ဆိုတာထက် ပိုတဲ့ အခြေအနေတွေ အတွက် အကြိတ်အနယ် ကစားရဦးမယ့် အာဆင်နယ်နဲ့ မန်စီးတီး | ခရာဘောင်ဖလား

အာဆင်နယ် – မန်ချက်စတာစီးတီး

အားလုံး စောင့်မျှော်နေတဲ့ အာဆင်နယ်နဲ့ မန်ချက်စတာစီးတီး တို့ရဲ့ ခရာဘောင်ဖလား ဗိုလ်လုပွဲ ကတော့ မနက်ဖြန်ည ဝင်ဘလေကွင်းမှာ ယှဉ်ပြိုင်ကစားဖို့ ရှိနေပါပြီ။ 

အာဆင်နယ် အသင်း နောက်ဆုံးအကြိမ် ခရာဘောင်ဖလားမှာ ချန်ပီယံ ဖြစ်ခဲ့တုန်းက လက်ရှိ အသင်းမှာ ရှိနေတဲ့ ကစားသမား တစ်ယောက်မှ မမွေးသေးပါဘူး။ တစ်ဖက် မှာလည်း ပပ် ဂွါဒီယိုလာရဲ့ မန်စီးတီးဟာ ၂၀၂၂-၂၀၂၃ ရာသီက ချန်ပီယံလိဂ် ဖလား ရရှိခဲ့ပြီး နောက်ပိုင်း ပထမဆုံးအကြိမ်အဖြစ် အဓိကဆုဖလားတစ်ခုကို ဆွတ်ခူးဖို့ ကြိုးစားနေတာပါ။ ထူးခြားချက် ကတော့ ဒါဟာ ပရီးမီးယားလိဂ်ရဲ့ အဆင့် (၁) နဲ့ အဆင့် (၂) အသင်းတို့ ထိပ်တိုက်တွေ့ဆုံတဲ့ ပထမဆုံးသော ခရာဘောင်ဖလား ဗိုလ်လုပွဲလည်း ဖြစ်ပါတယ်။

 

အာဆင်နယ်

“ ဖလားလေးလုံး အောင်မြင်မှု” (Quadruple) နဲ့ နီးစပ်နေကြောင်း ဘယ်လိုပဲ ပြောနေကြပါစေ အာဆင်နယ်ရဲ့ လက်ထဲကို အခုချိန်ထိ ဆုဖလား တစ်လုံးမှ ရောက်မလာသေးပါဘူး။ ဒါပေမယ့် ဆယ်စုနှစ် ၃ ခု ကြာအောင် ခြောက်လှန့်နေတဲ့ လိဂ်ဖလား ကျိန်စာ ကိုသာ အာဆင်နယ်တို့ ချေဖျက်နိုင်ခဲ့ရင်တော့ ဒီနှစ် အတွက် သူတို့ရဲ့ Quadruple အိမ်မက်က ၂၅ ရာခိုင်နှုန်း ပြီးမြောက်နိုင်မှာ ဖြစ်ပါတယ်။

၁၉၉၃ ခုနှစ် ဧပြီလ ၁၈ ရက်နေ့ဟာ အာဆင်နယ်တို့ လိဂ်ဖလားကို နောက်ဆုံးအကြိမ် မြှောက်ကိုင်နိုင်ခဲ့တဲ့နေ့ ဖြစ်ပါတယ်။ ဒါ့အပြင် အာဆင်နယ်ဟာ လိဂ်ဖလား ဗိုလ်လုပွဲမှာ ၆ ကြိမ်အထိ ရှုံးနိမ့်ခဲ့ဖူးပြီး (နောက်ဆုံးအကြိမ် အဖြစ် ၂၀၁၈ မှာ မန်စီးတီးကို ရှုံးနိမ့်ခဲ့) ဒါဟာ တခြားဘယ်အသင်းထက် မဆို ပိုများနေတဲ့ စံချိန်ဆိုး တစ်ခုလည်း ဖြစ်နေပါတယ်။ အာဆင်နယ် အတွက် ဝင်ဘလေဆီသို့ လျှောက်လှမ်းလာရာ လမ်းခရီးမှာ အခက်အခဲအချို့ ရှိခဲ့ပေမယ့် ပို့တ်ဗေးလ်၊ ဘရိုက်တန်၊ ပဲလေ့စ်နဲ့ ချဲလ်ဆီး အသင်းတွေဟာ ပရီးမီးယားလိဂ် ဇယားထိပ်က ဂန်းနားတွေကို မတားဆီးနိုင်ခဲ့ပါဘူး။ အာဆင်နယ်ဟာ ပြီးခဲ့တဲ့ အင်္ဂါနေ့က ချန်ပီယံလိဂ် ၁၆ သင်းအဆင့် ဒုတိယအကျော့မှာ လေဗာကူဆင်ကို ၂-၀ နဲ့ အနိုင်ရခဲ့ပြီးနောက် ၁၄ ပွဲ ဆက်တိုက် ရှုံးပွဲ မရှိ စံချိန် တင်ထားသလို၊ ပြိုင်ပွဲစုံ နောက်ဆုံး ၇ ပွဲမှာ ၆ ပွဲအထိ အနိုင်ရထားပါတယ်။

 

မန်ချက်စတာစီးတီး

တစ်ဖက်မှာလည်း ပပ်ရဲ့ မန်စီးတီးဟာ ချန်ပီယံလိဂ်ပွဲ မတိုင်ခင် အထိ ဖလားလေးလုံး မျှော်လင့်ချက် ရှိနေခဲ့ပေမယ့် ရီးရဲလ်မက်ဒရစ်နဲ့ ရင်ဆိုင်ရချိန်မှာတော့ သူတို့ရဲ့ မျှော်လင့်ချက်တွေ ပျက်ပြားသွားခဲ့ရပါတယ်။ ပထမအကျော့မှာ နည်းစနစ်ပိုင်း ရွေးချယ်မှုတွေကြောင့် ဝေဖန်ခံခဲ့ရတဲ့ ဂွါဒီယိုလာဟာ ဒုတိယအကျော့ အိမ်ကွင်း ပွဲစဉ်မှာ အသင်းကို ခြေစွမ်း တိုးတက်လာအောင် လုပ်ဆောင်နိုင်ခဲ့ပေမယ့် ၂-၁ နဲ့ ရှုံးနိမ့်ပြီး ဥရောပ ပြိုင်ပွဲကြီး တစ်ခု ကနေ စောစောစီးစီး ထွက်ခွာခဲ့ရပါတယ်။

မန်စီးတီး အတွက်တော့ လာမယ့်လမှာ အက်ဖ်အေဖလား ကွာတားဖိုင်နယ် မှာလည်း လစ်ဗာပူးလ်နဲ့ ရင်ဆိုင်ရဖို့ ရှိနေပါသေးတယ်။ ပရီးမီးယားလိဂ် မှာလည်း အာဆင်နယ်က တစ်ပွဲပို ကစားထားပေမယ့် ၉ မှတ် အထိ ဖြတ်ပြီး ဇယားထိပ် ကနေ ဦးဆောင်နေတာကြောင့် ချန်ပီယံဆုဟာ အာဆင်နယ် လက်ထဲမှာပဲ ရှိနေတယ်လို့ ပြောလို့ရပါတယ်။ ဒါပေမယ့် လိဂ်ဖလား သမိုင်းကြောင်းမှာတော့ မန်စီးတီး ကသာ ပြိုင်ဘက်ကင်း ဖြစ်နေပါတယ်။ မန်စီးတီးဟာ ခရာဘောင်ဖလား ဗိုလ်လုပွဲ ၉ ကြိမ်မှာ ၈ ကြိမ်အထိ ဗိုလ်စွဲထားပါတယ်။ ၁၉၇၄ နောက်ပိုင်း နောက်ဆုံး ကစားခဲ့တဲ့ ဗိုလ်လုပွဲ ၇ ကြိမ် ဆက်တိုက် အနိုင်ရထားပါတယ်။ ဂွာဒီယိုလာသာ အနိုင်ရခဲ့ရင် ဒီပြိုင်ပွဲမှာ ၅ ကြိမ်မြောက် ဗိုလ်စွဲတဲ့ ပထမဆုံးနည်းပြ ဖြစ်လာမှာပါ။

 

နှစ်ဖက်အသင်း သတင်းများ

အခုပွဲကို အာဆင်နယ်က တင်ဘာ၊ အိုဒီဂတ်တို့ ပါဝင်ကစားဖို့ မသေချာသေးပဲ မာရင်နို ကတော့ ကျိန်းသေပေါက် လွဲချော်ပါလိမ့်မယ်။ မန်စီးတီး ဘက်မှာတော့ ယော့စကို ဂဗာဒီယိုလ် တစ်ဦးတည်း လွဲချော်ဖို့ ရှိနေပါတယ်။

 

ဖြစ်နိုင်ဖွယ် လူစာရင်း 

အာဆင်နယ် – ကီပါ၊ တင်ဘာ၊ ဆလီဘာ၊ ဂါဘရီရယ်၊ ဟင်ကပ်ပီယေ၊ ဇူဘီမန်ဒီ၊ ရိုက်စ်၊ ဆာကာ၊ အက်ဇေး၊ ထရော့ဆက်ဒ်၊ ယောကရက်စ်

မန်ချက်စတာစီးတီး – ထရက်ဖို့ဒ်၊ နူနက်စ်၊ ဒီးရာ့စ်၊ စတုန်းစ်၊ အစ် နျူရီ၊ ဆေးလ်ဗား၊ ရိုဒရီ၊ အိုရွိုင်လီ၊ ချာကီ၊ ဟာလန်း၊ ဆီမီညို

 

ထိပ်တိုက်တွေ့ဆုံမှုနဲ့ နောက်ဆုံး ၅ ပွဲ ရလဒ်

မန်စီးတီးဟာ အာဆင်နယ်နဲ့ နောက်ဆုံး တွေ့ဆုံခဲ့တဲ့ ၆ ပွဲစလုံးမှာ တစ်ပွဲမှ အနိုင်မရထားပါဘူး။ အာဆင်နယ် ကသာ ဒီပွဲမှာ မရှုံးဘဲ ၇ ပွဲ ဆက်တိုက် စံချိန်ကို ဆက်ထိန်းနိုင်ခဲ့ရင်တော့ သူတို့ အတွက် တကယ့်ကို အိပ်မက်ဆန်တဲ့ ရလဒ်ဖြစ်လာမှာ သေချာပါတယ်။ ဒါ့အပြင် သမိုင်းကြောင်းအရ ကြည့်ရင်လည်း အာဆင်နယ် နည်းပြ မီခဲလ် အာတေးတားဟာ အာဆင်နယ်မှာ ကစားသမားဘဝရော နည်းပြ ဘဝမှာပါ ဝင်ဘလေမှာ ကစားခဲ့တဲ့ ၈ ပွဲ စလုံး ရှုံးပွဲ မရှိသေးပါဘူး။ နောက်တချက် ကတော့ လက်ရှိ ခြေစွမ်းပိုင်း မှာလည်း အာဆင်နယ်က အသာရနေတာပါ။

 

လောင်းကစားဆိုင်ရာ အကြံပြုချက်

SBOTOPရဲ့ 1X2 မှာ အာဆင်နယ် နိုင်ရင် ၂.၃၈ ဆ၊ မန်စီးတီး နိုင်ရင် ၂.၇၃ ဆ၊ သရေ ဆိုရင်တော့ ၂.၉၈ ဆ ရမှာ ဖြစ်ပါတယ်။ အာရှဟန်းဒီးကပ် မှာတော့ ဒဲ့ကြေးနဲ့ နှစ်ဖက်စလုံးက ခပ်ပါးပါးစီ ကြေးဖွင့်ပေးထားပါတယ်။ ဒီပွဲ ရလဒ်ဟာ နှစ်သင်းစလုံးရဲ့ ရှေ့ဆက်ရမယ့် ခရီးလမ်း အတွက် သက်ရောက်မှု ကြီးမားပါလိမ့်မယ်။ အင်္ဂလန် ပြည်တွင်း ပွဲစဉ်တွေထဲမှာ ဂုဏ်သိက္ခာအရရော၊ ဆုကြေးအရပါ အနည်းဆုံး ဖြစ်ပေမယ့် ဒီဖလားမှာ အောင်ပွဲခံနိုင်ခြင်း မခံနိုင်ခြင်းက လက်ကျန် ပြိုင်ပွဲတွေ အတွက် အရေးကြီးနေပါတယ်။ နှစ်သင်းစလုံး အားစိုက် ရုန်းလာပါလိမ့်မယ်။ တသင်းအထာ တစ်သင်း လေ့လာရင်း ထိန်းကစားသွားဖို့ များပါတယ်။ လက်ရှိမှာ ခြေစွမ်း အနည်းငယ်လေး ပိုသာနေတဲ့ အာဆင်နယ်ကို ပိုပြီး သဘောကျနေမိပါတယ်။ သေချာတာ ကတော့ ဂိုးမပြတ်နိုင်ပါဘူး။ အာဆင်နယ် နိုင်ရင် ၁-၀ ပါပဲ။

ခန့်မှန်းရလဒ်

အာဆင်နယ် ၁-၀ မန်ချက်စတာစီးတီး 

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်