အခုတစ်ခါမှာတော့ ဖေဖော်ဝါရီ ၂၆ ရက်နေ့ နေ့လည်ခင်းအထိ ရရှိထားသမျှ လာလီဂါရဲ့ စိတ်ဝင်စားစရာ သတင်းတွေကို ဖော်ပြပေးချင်ပါတယ်။
လာလီဂါ ထိပ်သီး ရီးရဲလ်မက်ဒရစ်ဟာ အင်တာမီလန် ကွင်းလယ်လူ နီကိုလို ဘာရယ်လာကို ကမ်းလှမ်းဖို့ အသင့် ရှိနေပါတယ်။ ဒါပေမယ့် အီတလီ ကလပ်က သူ့ကို ရောင်းချဖို့ သဘောတူလာအောင် ယူရို သန်း ၈၀ (ပေါင် ၆၉.၈ သန်း) ဝန်းကျင် အထိ ပေးချေရဖွယ် ရှိနေပါတယ်။
တစ်ဖက်မှာလည်း ရီးရဲလ်မက်ဒရစ်ဟာ ပီအက်စ်ဂျီ ကွင်းလယ်လူ ဗစ်တင်ညာကို ဒီနွေရာသီမှာ အပြီးသတ် ခေါ်ယူနိုင်ဖို့ အတွက် ကမ်းလှမ်းမှု တစ်ခု ပြင်ဆင်နေပါတယ်။
ရီးရဲလ်မက်ဒရစ် တာဝန်ရှိသူတွေဟာ ဂိုးသမား သီဘောက် ကော့တွာစ် အသင်းကနေ ထွက်ခွာသွားမယ့် အနာဂတ် အတွက် ကြိုတင် ပြင်ဆင်နေကြပါတယ်။ သူတို့ရဲ့ ထိပ်တန်း ပစ်မှတ်တွေ ကတော့ ဒေါ့မန် ဂိုးသမား ဂရီဂေါ် ကိုဘယ်နဲ့ ဘရိုက်တန် ဂိုးသမား ဘတ် ဗာဘရက်ဂျန်တို့ ဖြစ်ပါတယ်။ ဒါ့အပြင် အကယ်ဒမီ ဂိုးသမား ဖရန် ဂွန်ဇာလက်ဇ် ကိုလည်း အသင်းတွင်းမှာ သဘောကျသူ များပြားနေပေမယ့် ချဲလ်ဆီးက သူ့ကို ခေါ်ယူဖို့ ကြိုးပမ်းနေပါတယ်။
မန်ချက်စတာယူနိုက်တက် ကနေ အငှားနဲ့ လာရောက်ကစားနေတဲ့ မားကပ်စ် ရက်ရှ်ဖို့ဒ်ကို အပြီးသတ် ဝယ်ယူခွင့် ယူရို သန်း ၃၀ (ပေါင် ၂၆.၂ သန်း) ကို လျှော့စျေးနဲ့ ညှိနှိုင်းဖို့ မကြိုးစားဖို့ ဘာစီလိုနာကို သတိပေးထားပါတယ်။ ပီအက်စ်ဂျီက ရပ်ရှ်ဖို့ဒ် အတွက် ယူရို သန်း ၅၀ (ပေါင် ၄၃.၆ သန်း) အထိ ပေးဖို့ အသင့်ရှိနေတာကြောင့် ယူနိုက်တက်ဟာ ဘာစီလိုနာနဲ့ စျေးနှုန်း အသစ် ထပ်မံညှိနှိုင်းမှာ မဟုတ်ပါဘူး။
ဘာစီလိုနာဟာ လာလီဂါ ပြိုင်ဘက် အက်တလက်တီကိုမက်ဒရစ် တိုက်စစ်မှူးရဲ့ ကိုယ်စားလှယ်တွေနဲ့ အမြဲမပြတ် ဆက်သွယ်မှုတွေ ပြုလုပ်နေပါတယ်။ ဒါပေမယ့်လည်း အဲဒီအခြေအနေကို ဟူလီယန် အဲလ်ဗာရက်ဇ်ရဲ့ အေးဂျင့်က ငြင်းဆိုထားပါတယ်။
ဘာစီလိုနာဟာ ဒီနွေရာသီမှာ ယာအို ကန်ဆယ်လိုကို အပြီးသတ် ခေါ်ယူဖို့ အတွက် ပြောင်းရွှေ့ကြေး ပေးချေဖို့ အစီအစဉ် မရှိပါဘူး။ အဲလ်ဟီလယ် အသင်းက သူ့ကို အလွတ်ပြောင်းရွှေ့ကြေးနဲ့ ထွက်ခွာခွင့်ပြုမှသာ ကန်ဆယ်လိုကို နူးကမ့်ပ်ဆီ အပြီးအပိုင် ပြန်ခေါ်မှာ ဖြစ်ပါတယ်။
ဘောလုံးသုံးသပ်သူ အဖြစ် ဆောင်ရွက်နေတဲ့ လစ်ဗာပူးလ် ကစားသမားဟောင်း ဂျေမီ ကာရေဂါက အာဆင်နယ် တိုက်စစ်မှူး ဗစ်တာ ယောကရက်စ် အပေါ် မှားယွင်းစွာ တန်ဖိုးဖြတ်ခဲ့မိကြောင်း ဝန်ခံ ပြောကြားခဲ့ပါတယ်။ ကာရေဂါက ပြီးခဲ့တဲ့ ဒီဇင်ဘာလတုန်းက ယောကရက်စ်ဟာ အာဆင်နယ်မှာ ပွဲထွက် ကစားခွင့် ရဖို့ မထိုက်တန်ကြောင်းနဲ့ ဂျေးဇုစ်နဲ့ ဟာဗက်ဇ် တို့က ယောကရက်စ်ထက် ပိုမို သင့်လျော်ကြောင်း၊ ဟာဗက်ဇ် ကြံ့ခိုင်မှု မပြည့်ဝရင် ဂျေးဇုစ် ကိုသာ အခွင့်အရေးပေးသင့်ကြောင်း ဝေဖန် ပြောကြားခဲ့တာပါ။
ဒါပေမယ့် စပါးနဲ့ ပွဲမှာ ယောကရက်စ်က နှစ်ဂိုး သွင်းယူကာ ခြေစွမ်းပြခဲ့ပြီးနောက် မှာတော့ ကာရေဂါက ယောကရက်စ်ရဲ့ စိတ်ဓာတ်ပိုင်းကို သဘောကျကြောင်းနဲ့ အလန်ရှီးယားလို စိတ်ဓာတ်မျိုးရှိတဲ့ တိုက်စစ်မှူး ဖြစ်ကြောင်း ချီးကျူးပြောကြားခဲ့ပါတယ်။
ဘာစီလိုနာ အသင်း နည်းပြ ဟန်ဆီ ဖလစ်ခ်က ပွဲကစားမယ့် နေ့မှာ အသင်းကို ရောက်ရှိချိန် နောက်ကျတဲ့ ကစားသမားတွေ အနေနဲ့ ဒဏ်ငွေ ယူရို ၄၀၀၀၀ ပေးဆောင်ရမယ်လို့ စည်းကမ်းထုတ်ထားကြောင်း ပတ်ဒရီနဲ့ ဖာရန်း တောရက်စ် တို့က ထုတ်ဖော် ပြောကြားလိုက်ပါတယ်။ ဟန်ဆီ ဖလစ်ခ်က ပွဲကစားမယ့်နေ့မှာ သတ်မှတ်ထားချိန်ထက် နောက်ကျပြီးမှ ရောက်ရှိလာတာဟာ အသင်းဖော်တွေ အပေါ် လေးစားမှုမရှိခြင်းလို့ ယူဆတာကြောင့် အခုလို စည်းကမ်း တင်းကျပ်ထားခြင်း ဖြစ်ကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
