ချဲလ်ဆီး ကတော့ ညက ကစားခဲ့တဲ့ ချန်ပီယံလိဂ် ပွဲစဉ်မှာ စကူဒက်တို ချန်ပီယံ နာပိုလီကို အဝေးကွင်းမှာ ၂-၃ ရလဒ်နဲ့ အနိုင်ယူပြီး ၁၆ သင်း အဆင့်ကို တိုက်ရိုက် တက်ရောက်သွားခဲ့ပါတယ်။ ဒီပွဲမှာ ဘရာဇီးလ် ကြယ်ပွင့် ယာအို ပက်ဒရိုက ဒုတိယပိုင်းမှာ ချဲလ်ဆီး အတွက် အံ့အားသင့်ဖွယ် အနိုင်ဂိုး နှစ်ဂိုး သွင်းယူကာ နာပိုလီကို ချန်ပီယံလိဂ် ကနေ စောစောစီးစီး ထွက်ခွာသွားစေခဲ့တာ ဖြစ်ပါတယ်။
ပွဲစဉ်အကျဉ်း
စတာဒီယို ဒီယေဂို အာမန်ဒို မာရာဒိုနာမှာ ကစားခဲ့တဲ့ ဒီပွဲမှာ ချဲလ်ဆီးက နောက်ကနေ လိုက်ကစားပြီး အနိုင်ရသွားခဲ့တာ ဖြစ်ပါတယ်။ ပွဲချိန် ၁၉ မိနစ်မှာ ရိစ်ဂျိမ်းစ်ရဲ့ ပြစ်ဒဏ်ဘောကို နာပိုလီ နောက်ခံလူ ဂျေဇုစ် လက်နဲ့ ထိခဲ့လို့ ရရှိတဲ့ ပင်နယ်တီကို အန်ဇို ဖာနန်ဒက်စ် က အမှားအယွင်းမရှိ ကန်သွင်းပြီး ချဲလ်ဆီးကို ဦးဆောင်စေခဲ့ပါတယ်။ ဒဏ်ရာရ ကစားသမားတွေ များပြားနေတဲ့ နည်းပြ အန်တိုနီယို ကွန်တီရဲ့ နာပိုလီက ပထမပိုင်းမှာတင် ပွဲကို ပြောင်းပြန်လှန်ခဲ့ပါတယ်။ နေပဲလ် ကလပ် အတွက် အန်တိုနီယို ဗာဂါရာက ချေပဂိုး သွင်းယူခဲ့သလို၊ ပထမပိုင်း မပြီးခင်မှာပဲ ရက်စ်မက် ဟွိုက်ဂျ်လန်း က ဒုတိယဂိုး သွင်းယူခဲ့လို့ နာပိုလီတို့ ၂-၁ နဲ့ ဦးဆောင်နိုင်ခဲ့ပါတယ်။
ဒါပေမယ့်လည်း ဒုတိယပိုင်း မှာတော့ ယာအို ပက်ဒရိုက ပွဲကို စိုးမိုးခဲ့ပါတယ်။ ဘရာဇီးလ်သားက ၆၁ မိနစ်မှာ ဧရိယာ အပြင် ဘက်ကနေ အဝေးကန်ချက်နဲ့ ဒုတိယဂိုး သွင်းယူခဲ့စလို ပွဲပြီးခါနီး ၈ မိနစ် အလို မှာတော့ တစ်ကိုယ်တော် ဆွဲပြေးမှု ကနေ တစ်ဆင့် အဆုံးသတ် အနိုင်ဂိုးကို သွင်းယူပြီး ချဲလ်ဆီးကို ပလေးအော့ဖ် အဆင့် ကစားစရာမလိုဘဲ နောက်တစ်ဆင့် တိုက်ရိုက်တက်စေခဲ့တာပါ။
ပွဲပြီးခါနီး နာကျင် အချိန်ပိုမှာ နာပိုလီ တိုက်စစ်မှူး ရိုမယ်လူ လူကာကူက သူ့ရဲ့ အသင်းဟောင်းဘက်ကို ချေပဂိုးရဖို့ ကြိုးစားခဲ့ပေမယ့် ချဲလ်ဆီး ဂိုးသမား ရောဘတ် ဆန်းချက်ဇ်က ကာကွယ်နိုင်ခဲ့လို့ ၂-၃ ရလဒ်နဲ့ပဲ ပွဲပြီးဆုံးခဲ့ပါတယ်။ ပြီးခဲ့တဲ့ ရက်ကမှာ ဂျူဗင်တပ်စ်ကို ဂိုးပြတ် ရှုံးပြီး စီးရီးအေ ချန်ပီယံဆုကို ကာကွယ်ဖို့ မသေချာ ဖြစ်သွားတဲ့ နာပိုလီက အခု ရှုံးပွဲနဲ့ အတူ အဓိက ပြိုင်ပွဲ တစ်ခု ကနေ စောစောစီးစီး ထွက်ခွာခဲ့ရတာလည်း ဖြစ်ပါတယ်။
ပွဲပြီးအချက်အလက်နဲ့ မှတ်တမ်းများ
ဘရိုက်တန် တိုက်စစ်မှူးဟောင်း ယာအို ပက်ဒရိုဟာ ချဲလ်ဆီး အတွက် နောက်ဆုံး ၄ ပွဲမှာ ၃ ပွဲ အထိ ဂိုးသွင်းယူနိုင်ခဲ့တာ ဖြစ်ပါတယ်။ ဒါ့အပြင် သူ့အနေနဲ့ ချန်ပီယံလိဂ် အဝေးကွင်း ပွဲစဉ်တွေ မှာလည်း ဆက်တိုက် ဂိုးသွင်းယူနိုင်ခဲ့တာ ဖြစ်ပါတယ်။ ဒါ့အပြင် ယာအို ပက်ဒရိုက ဒီပွဲမှာ ဂိုးကန်သွင်းခွင့် (၄ ကြိမ်) နဲ့ မျှော်မှန်းဂိုး (၀.၈၈) တို့နဲ့ ပွဲရဲ့ အကောင်းဆုံး ကစားသမား ဖြစ်ခဲ့ပါတယ်။
ချဲလ်ဆီး နည်းပြသစ်ရဲ့ လီယမ် ရိုစီနီယာရဲ့ အသင်းဟာ နာပိုလီနဲ့ ဂိုးပေါက်တည့်မှု ၅ ကြိမ်စီ တူညီခဲ့ပေမယ့် မျှော်မှန်းဂိုး (xG) ၂.၀၁ အထိ ရယူနိုင်ခဲ့လို့ အိမ်ရှင် (၀.၉၈) ထက် ပိုမိုကောင်းမွန်ခဲ့ပါတယ်။
နည်းပြ အန်တိုနီယို ကွန်တီဟာ ချဲလ်ဆီး ကနေ ထွက်ခွာပြီး နောက်ပိုင်း သူ့ရဲ့ အသင်းဟောင်းနဲ့ တွေ့ဆုံခဲ့တဲ့ ၆ ပွဲမှာ ၁ ပွဲသာ အနိုင်ရဖူးပါသေးတယ်။ နာပိုလီ အတွက်တော့ ဒါဟာ သူတို့ရဲ့ နောက်ဆုံး ချန်ပီယံလိဂ် အိမ်ကွင်း ၂၁ ပွဲ အတွင်းမှာ ဒုတိယမြောက် ရှုံးနိမ့်မှု ဖြစ်လာခဲ့ပါတယ်။
ချဲလ်ဆီး ကတော့ ဒီနိုင်ပွဲကြောင့် ချန်ပီယံလိဂ် လိဂ် အဆင့် (၆) နေရာမှာ ရပ်တည်ပြီး ၁၆ သင်း အဆင့်ကို တက်သွားခဲ့တာပါ။ ဒါကြောင့် ချဲလ်ဆီးက ၁၆ သင်း အဆင့်မှာ ဖြစ်နိုင်ခြေ ရှိတဲ့ တွေ့ဆုံမှုတွေ အဖြစ် မိုနာကို၊ ပီအက်စ်ဂျီ၊ နယူးကာဆယ်၊ ကွာရာဘက် တို့ထဲက တစ်သင်းသင်းနဲ့ ရင်ဆိုင်ရတော့မှာ ဖြစ်ပါတယ်။ ချဲလ်ဆီး အတွက် ကွာရာဘက်က လွယ်ကူနိုင်ပေမယ့် ကျန် ၃ သင်းထဲက တစ်သင်းသင်းနဲ့ တွေ့ဆုံရမယ် ဆိုရင်တော့ ကျိန်းသေပေါက် ခက်ခဲတော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
